ممبئی 23 جولائی (ایس او نیوز؍ایجنسی)  ٹرین میں سفر کرنے والوں کے لئے ایک خوشخبری ہے، اب ریلوے بھی ہوائی جہاز کی طرح اپنے مسافروں کو ٹکٹوں پر انشورنس کی سہولت دے گی. ایک منصوبہ بندی کے تحت دس روپے سے بھی کم میں مسافروں کو 10 لاکھ روپے کا انشورنس ملے گا. ریلوے کی پبلک کمپنی آئی آرسی ٹی سی نے جمعہ کو بتایا کہ ان کا مسافر انشورنس اور انارکشیت ٹکٹ جاری کرنے سمیت کئی سہولیات شروع کرنے کا منصوبہ ہے. آئی آر سی ٹی سی کے چیئرمین و منیجنگ ڈائریکٹر ارون کمار منوچا نے نے بتایاکہ، 'ہم جلد ہی مسافر انشورنس شروع کرنے جا رہے ہیں اور معاہدہ کا لیٹر پہلے ہی جاری کیا جا چکا ہے. ہم نے تین کمپنیوں کو منتخب کیا ہے. دس لاکھ روپے تک انسورنس دینے کا منصوبہ ہے۔. '

آئی آر سی ٹی سی نے ایس بی آئی کے موبائل والیٹ کے ذریعے ڈیجیٹل ادائیگی کی سہولت دینے کے لئے اسٹیٹ بینک آف انڈیا(ایس بی آئی) سے گٹھ جوڑ کیا ہے. منوچا نے کہا کہ کمپنی ریلوے ٹکٹنگ کے دیگر علاقوں میں بھی امکانات تلاش کر رہی ہے.

وزیر ریلوے سریش پربھو نے ریل بجٹ 2016 میں مسافر انشورنس اسکیم شروع کرنے کا اعلان کیا تھا. فی الحال، اس منصوبہ کو آن لائن ٹکٹ بک کرنے والے مسافروں کے لئے پائلٹ پروجیکٹ کے طور پر چلایا جائے گا. بعد میں اس منصوبہ کو کائونٹر ٹکٹ اوردیگرمسافروں کے لئے بھی بڑھا یا جا سکتا ہے.

اس منصوبہ کے تحت مسافر کی موت یا مستقل معذوری کی صورت میں 10 لاکھ روپے، زخمی یا جزوی معذوری کی صورت میں 7.5 لاکھ روپے، ہسپتال میں بھرتی ہونے پر 5 لاکھ روپے اور موت کے بعد لاش کو پہنچانے کے لئے دس ہزار روپے کے انشورنس کا انتظام کیا جائے گا.